Пазарната капитализација е моменталната пазарна вредност на сите акции кои што се издадени (кои што се во оптек) од една компанија.
Со пазарната капитализација се означува големината и вредноста на компанијата во споредба со нејзините конкуренти. Оваа метрика ја одразува моменталната перцепција на пазарот / инвеститорите за вредноста на една компанија. Истата осцилира, нагоре или надолу, во зависност од пазарната цена на акциите.
На Македонската берза, котираат акциите на околу 90 македонски компании. Вредноста на сите акции, односно вкупната пазарна капитализација на сите котирани компании е нешто помалку од 350 милијарди денари, односно околу 5,7 милијарди €.
